जाणून घ्या आज सोमवार दिनांक ३० जानेवारी २०२३ रोजीचे आपले राशिभविष्य
मेष – कामाबाबत आणि दृष्टिकोनाबाबत प्रामाणिक राहा. दृढ निश्चय आणि कामातील कौशल्याची दखल घेतली जाईल. प्रवासाच्या संधी शोधाल.
वृषभ – गैरसमज दूर होतील. प्रेमाचा प्रवास मधुर; पण क्षणकाल टिकणारा असेल. काहीजणांना अर्धवेळ कामे मिळतील.
मिथुन – जसा तुम्ही विचार करत आहात, तशी कुटुंबातील स्थिती राहणार नाही. घरात कुठल्याही गोष्टीवरून कलह होण्याची शक्यता. मनावर ताबा ठेवा.
कर्क – कुटुंबाच्या कल्याणासाठी मेहनत करा. तुमची कृती प्रेमापोटी असू देत. सकारात्मक दृष्टिकोन बाळगा आणि मत्सर करू नका.
सिंह – समूह कार्यात सहभागी झालात तर नवीन मित्र भेटतील. प्रेमाचा आनंद घेता येईल. तुमच्यासाठी खूपच कार्यशील असा दिवस आहे.
कन्या – घरच्यांना पर्याप्त वेळ देऊ शकणार नाही. आजूबाजूची माणसे असे काहीतरी करतील की, ज्यामुळे जोडीदार पुन्हा एकदा तुमच्या प्रेमात पडेल.
तूळ – तुमची संवाद कौशल्ये प्रभावी ठरू शकतील. तुमच्यासाठी आजचा दिवस खूप रोमँटिक असेल; पण प्रकृती अस्वास्थ्यामुळे त्यावर विरजण पडेल.
वृश्चिक – जादुई असे आशादायी वातावरण अनुभवास येईल. स्थावर जंगम मालमत्ता गुंतवणूक लाभदायी ठरेल. कुटुंबातील सदस्यांसमवेत वेळ घालवाल.
धनु – आर्थिक लाभ होऊ शकतो. बेफिकीर वृत्तीमुळे पालक काळजीत पडतील. नवीन प्रकल्पात हात घालण्याअगोदर त्यांना विश्वासात घेण्याची गरज.
मकर – महत्त्वाच्या व्यक्तींशी चर्चा करताना सजग अशी एखादी महत्त्वाची टीप मिळून जाईल. संकटावर मात करायची इच्छाशक्ती आहे, तोपर्यंत कोणतीही गोष्ट अशक्य नाही.
कुंभ – मालमत्ताविषयक कामे होतील आणि उत्तमपैकी नफा होईल. प्रिय व्यक्तीशी भेटवस्तूंची देवघेव करण्यास अतिशय शुभ दिवस.
मीन – उद्योग-व्यवसायानिमित्त केलेला प्रवास दीर्घकाळापर्यंत फायदेशीर ठरू शकेल. तुम्ही आणि तुमचा जोडीदार यांच्यातील प्रेमसंबंध बिघडतील.
