अहमदनगर,दि.२ फेब्रुवारी,(प्रतिनिधी) – पोदार इंटरनॅशनल स्कूल मध्ये सहावे वार्षिक स्नेहसंमेलन अनेक मान्यवरांच्या उपस्थितीमध्ये शनिवार दिनांक २८ जानेवारी २०२३ रोजी सायंकाळी शाळेच्या प्रांगणात मोठ्या धुमधडाक्यात, उत्साहात साजरे करण्यात आले. याप्रसंगी अनेक मान्यवर उपस्थित होते. पोदार इंटरनॅशनल स्कूलचे अनेक प्राचार्य या प्रसंगी उपस्थित होते. प्रमुख पाहुणे म्हणून एअर फोर्सचे विंग कमांडर पी. एस. पठानिया हे उपस्थित होते. तसेच अहमदनगर मधील प्रसिद्ध उद्योगपती सावन छाब्रा हे याप्रसंगी उपस्थित होते. तर या कार्यक्रमासाठी पोदार इंटरनॅशनल स्कूलचे अनेक प्राचार्य उपस्थित होते.
पोदार स्कूल वाघोली शाखेचे मुनिश शर्मा तसेच रोहकलचे संजीव भारद्वाज, पोदार स्कूल तळेगावचे सुदर्शन नायक, पोदार स्कूल औरंगाबादचे लुईस रॉड्रिग्ज, पोदार स्कूल चिंचवडच्या श्रीमती शहनाज कोत्तर, पोदार स्कूल चाकणच्या श्रीमती एस. कौर, पोदार स्कूल वाकडचे सी.आय. इ. श्रीमती नीता कुमार, पोदार स्कूल शिरूरच्या श्रीमती मीनल वैद्य, पोदार स्कूल सारा सिटीच्या श्रीमती अर्चना कारंडे, पोदार स्कूल दौंडचे विशाल जाधव, पोदार स्कूल संगमनेरचे निलेश पितळे तर पोदार स्कूल चाळीसगावचे अजय घोरपडे, साताऱ्याचे पोदार स्कूलचे ऍडमिन मॅनेजर मनोज जाधव, खटावच्या सनशाइन इंग्लिश मीडियम स्कूलचे महेंद्र काटकर आणि बारामतीचे पोदार स्कूलचे लीगल ॲडव्हायझर राहुल बांदल अशा अनेक मान्यवरांच्या उपस्थितीत व पालकांच्या सहयोगाने पोदार इंटरनॅशनल स्कूलचे अमूल्य भारत या संकल्पनेवर आधारित वार्षिक स्नेहसंमेलन मोठ्या उत्साहात साजरे झाले.
यावेळी विद्यार्थ्यांनी लिहिलेल्या लेखक, कविता, निबंध यांचे तयार केलेल्या मासिकाचे अनावरण मान्यवरांच्या हस्ते करण्यात आले. शाळेचा वार्षिक अहवाल विद्यार्थी प्रतिनिधी अंजली जगताप व सार्थक दौंड यांनी सादर केला. याप्रसंगी बोलताना प्रमुख पाहुणे म्हणून विंग कमांडर पठानिया म्हणाले पोदार इंटरनॅशनल स्कूल अहमदनगर मध्ये विद्यार्थ्यांना शिक्षण तर देतेच त्याचबरोबर विद्यार्थ्यांचा सर्वांगीण विकास व्हावा या दृष्टीने सातत्याने प्रयत्न करत असल्याचे दिसून येते. त्यामुळेच विविध कला व क्रीडा क्षेत्रात पोदर स्कूलचे विद्यार्थी चमकत असलेले दिसतात.
यासाठी त्यांनी शाळेचे प्राचार्य मंगेश जगताप सर हे राबवीत असलेल्या नवनवीन संकल्पनांचे कौतुक केले व त्यांनी पुढेही अशाच अनेक संकल्पना विद्यार्थ्यांसाठी राबवाव्यात व त्यातून विद्यार्थ्यांचा विकास व्हावा ही सदिच्छा व्यक्त केली. याप्रसंगी शाळेतील विद्यार्थ्यांनी अनेक विषयांमध्ये प्राविण्य मिळवल्याबद्दल त्यांना सन्मानचिन्ह व प्रशस्तीपत्र देऊन गौरविण्यात आले. या पारितोषिक वितरण समारंभाचे सूत्रसंचालन इयत्ता नववीतील आर्या शिंदे व इयत्ता दहावीतील प्रांजल सोनवणे या विद्यार्थ्यांनीनी केले. याप्रसंगी शाळेचे प्राचार्य मंगेश जगताप यांनी मुलांचे सांस्कृतिक कार्यक्रम पाहून सर्व शिक्षकांचे व विद्यार्थ्यांचे कौतुक केले.
शाळेचे प्राचार्य मा. श्री मंगेश जगताप सर यांच्या कल्पनेतून ‘अमूल्य भारत’ या संकल्पने अंतर्गत संपूर्ण वार्षिक स्नेहसंमेलनाचा कार्यक्रम आखण्यात आला होता. या अंतर्गत इयत्ता पहिली ते नववीचे सर्व विद्यार्थी कार्यक्रमात सहभागी झाले होते या विद्यार्थ्यांनी काश्मीर पासून ते गोवा राज्यापर्यंतच्या भारतातील विविध राज्यांच्या लोककला, नृत्य तेथील संगीत, प्रथा व परंपरा याविषयीची माहिती तर दिली. त्याचबरोबर तेथील नृत्यही सादर केले. काश्मीरचे कश्मीरी नृत्य, पंजाबचा भांगडा, महाराष्ट्राचा गोंधळ, तर गुजरातच्या दांडिया, राजस्थानचे घुमर, आसामचा आसामी नृत्य, वेस्ट बंगाल मधील दुर्गाष्टमीचे महत्व, त्याचबरोबर अनेक विनोदी चुटकुले सांगत विनोदी नाटक सादर करत असे विद्यार्थ्यांनी विविध कार्यक्रम सादर केले.
पालकांनी या कार्यक्रमांना उत्स्फूर्तपणे प्रतिसाद देत विद्यार्थ्यांचे कौतुक केले व दर्जेदार असा वार्षिक स्नेहसंमेलन कार्यक्रम विद्यार्थ्यांकडून करून घेतल्याबद्दल शाळेचे प्राचार्य व शिक्षकांचे पालकांनी याप्रसंगी आभार मानले. यावेळी पालकां याप्रसंगी पालकांनी शाळेत राबवित असलेले विविध उपक्रम, त्यातून विद्यार्थ्यांचे होणारी प्रगती याविषयी समाधान व्यक्त केले. कोरोना नंतर दोन वर्षांनी एवढ्या मोठ्या प्रमाणावरती शाळेत कार्यक्रम साजरा झाला व आपली मुले या कार्यक्रमात सहभागी झाले याचा पालकांच्या चेहऱ्यावर आनंद दिसून येत होता.या कार्यक्रमाचे सूत्रसंचालन इयत्ता चौथीतील विद्यार्थिनी कीनिशा पारख व परि लंके यांनी केले तर आभार प्रदर्शन शाळेतील विद्यार्थी प्रतिनिधी अंजली जगताप हिने केले. स्नेहसंमेलन यशस्वी होण्यासाठी सर्व शिक्षक, शिक्षकेतर कर्मचारी यांनी विशेष परिश्रम घेतले.
