मुंबई,दि.२४ जानेवारी २०२३ –
आपल्या अदांनी आणि सौंदर्याने तरुणाईला वेड लावणारी गौतमी पाटील आता मोठ्या अडचणीत सापडली आहे. कोर्टाने गौतमीवर गुन्हा दाखल करण्याचे आदेश दिले आहे. गौतमी गेल्या काही महिन्यांपासून मोठ्या प्रमाणावर चर्चेत आली आहे. आपल्या डान्समध्ये ती अश्लील कृत्य करत असल्याचा आरोप प्रतिभा शेलार यांनी करत तक्रार दाखल केली होती.
त्यावर आता सातारा कोर्टाने आदेश दिले आहे. गैतमीच्या नृत्यावर अक्षेप घेत मृणाल कुलकर्णी यांनी देखील गौतमी विरोधात साताऱ्यात तक्रार दाखल केली होती. मृणाल कुलकर्णी म्हणाल्या की, कलावंताने आपली मर्यादा राखली पाहिजे. लावणीकडे पाहण्याचा सर्वांचाच दृष्टीकोन फार वेगळा आहे. मात्र जर कोणी अशा पद्धतीने कृत्य करत असेल तर दुर्दैवाने एका कलावंताविरोधात तक्रार दाखल करावी लागते, असे मृणाल म्हणाली आहे.
गौतमीने कार्यक्रमात केलेला अश्लील डान्स पाहून चहू बाजूने तिच्यावर टीका होत होती. त्यामुळे गौतमीने पुढे स्वत: या बाबद माफी मागितली. मला लावणीची संस्कृती मोडायची नाही. जे झाले त्यासाठी मी सर्वांची माफी मागते, पुन्हा असे होणार नाही, असं गौतमी म्हणाली होती.
अशात माफी मागितल्यानंतर देखील गौतमीने काही वेळ संस्कृती जपली मात्र नंतर पुन्हा एकदा तिच्या कार्य्रमांमध्ये अश्लील हावभाव ती करत आहे. असा आरोप मृणाल यांनी केला. तसेच पुन्हा एकदा या बाबद तक्रार दाखल केली. त्यामुळे आता सातारा कोर्टाने गौतमीवर गुन्हा दाखल करण्याचे आदेश दिले आहे
